Getariako Txakolina J.D.aren sorleku den Getariako herrian, kokatutako familia-giroko upeltegi bat gara.
Txakolina egiten 3 belaunaldiren esperientzia izanik, gure ezaugarrietako bat tradizio enologikoari betidanik izan diogun errespetua da.
Errespetu horrek, familiaren esperientziaren jakituriari esker belaunez belaun hedatu dugun ezagutzarekin batera, ahalbidetu digu artisautza eta teknologia, tradizioa eta modernotasuna uztartzea, nortasun propioa duen kalitate handiko ardoak sortuz.
2009. urtean, gure upeltegi berria eraiki genuen, azken teknologia gurera ekarriz, eta hala, ezaugarri paregabeak dituen txakolin bat erdietsi dugu, mahatsaren bizitoki diren Getariako mendi-hegal berdeak oroitarazten dizkiguna: % 95 Hondarribi Zuria eta % 5 Hondarribi Beltza.
Mahastiek, gehienak Getarian kokatuak daudela, 5 eta 60 urte bitarteko adina dute. Kalitate aparta duen mahats hori, berriz, mahats-parretan jarria dago, hegoalderantz begira.
